PAPYRIUS MASSONIUS Johannes

PAPYRIUS MASSONIUS Johannes

Advocatus Parlamenti Parisiensis. Iesuita primum, Neapoli per biennium, docuit, dein in Galliam reversus eôdem nunere aliquot in locis functus est. Ordine post haec Iesuiticô relictô, Carolo IX. epithalamium scripsit, aliaque, quae ipsi nomen ingens pepereunt. Iuri dein Andegavi, sub Balduino, operam dedit, unde Advocatus postmodum Parlamenti evasit. Edidit historiam Paparum, Annales Galliae, Elogia Virorum illustrium, descriptionem fluviorum Galliae aliaque multâ eruditione referta. Obiit A. C. 1611. aetat. 67. ex Dionysia Godarda nullâ prole susceptâ. Eius vitam, in frontispicio Elogiorum, descripsit Iac. Aug. Thuanus, optimus Massonii amicus. Idem Massonius Papyrtae familiae elogia scripsit.